مــــريتك البارح ومن غــــير ماجـيك

وشفتك تداعـــب دمعتي وانكـــساري

شفتك تكلمــــــني وتســئلني اشفـــيـك

وشفــــــتك تمــوتني وتأخـــذ بــثاري

مــره تراضـــيني ومــره اراضـــيك

ومــــره تحــرقــني وتصــلا بنــاري

في ذمــتك ماعــاد جـــرحـي يكفــيك

ودك تعـــكــر جــو ليلــي ونهـــاري

ماعدت تسمع صرختي يـوم اناديــك

وانته صدى صوتك معشعش بداري

دامك تعــيش بدار قلــبي وانا اغلـيك

ودي تحقـــق رغــبتي واخـــتــياري

وماانـــته بناســيني ولا انا بناســـيك

ولا مســارك يبتعــد عــن مســـاري

مـــدام تحــيا في فــؤادي وانا فـــيك

مجـــبور ياعمــري تـنفــذ قـــراري

خـــذني بقايا نهـر يروي اراضـــيك

دامك مــنى عــيني وحبك شعـــاري

والله لو تأمـــر على القلــب لعطــيك

مابنتظـــر هـالامــر يصــبح وزاري

يكفــي انا احــبك وهالقلــب يبغــيك

والامــر ياعمــري من الان سـاري

خل العــــرب تدري وش كثر انا اغليك

يالـــي مـــدارك مــايفــارق مـــــداري

ياللي انا جيــتك ومن غــــير ماجــــيك

مــمـكن تخفــف  لوعـــتي وانكسـاري

فيصــل المــريـســي

www.bh-vip.com/vb